ತರಳೆ ನೀನೆದುರಿಗಿರಲು

ತರಳೆ ನೀನೆದುರಿಗಿರಲು ನನಗಿಲ್ಲ ರಗಳೆ
ಕುಂತಿರುವೆ ಹೀಗೆಯೇ ಹಲವು ಜನುಮಗಳೇ

ದೂರವಾಣಿಯ ಹಿಡಿಯ ಕೆನ್ನೆಯಿಂದಲೆ ಹಿಡಿದಿರು
ಅದರ ರಿನ್ಗಣವೇ ನನ್ನೆದೆಯ ಚಿಗುರು

ಚಟಪಟನೆ ಉದುರುವುದು ಮಲ್ಲಿಗೆಯು ನಿನ್ನಧರದಿಂ
ಅದರಿಂದ ಜಿನುಗುವ ಜೇನಾಗಲೆನ್ನ ತನುಮನಂ

ಜಗವ ಜಿಗಿದಾಯ್ತೆ ಓ ಚಿಗರೆ ನಿನಗೆ
ಬಾ ಸುಮ ತಲ್ಪವಿಹುದು ಎನ್ನ ಹೃದಯದೊಳಗೆ

ನಗು ನಗುತಲೆ ನೀನೆನ್ನ ಏಕೆ ಹೀಗೆ ಕೊಲುವೆ?
ಒಂದು ಮಣಿ ಮುತ್ತನೆಸೆದು ಬಿಡು, ನಾ ಜಗವ ಮರೆವೇ

ಮರಳುಗಾಡಿನ ಮಧ್ಯದ ಸೌಂದರ್ಯದಲೆ ನೀನು
ಅಲೆಯನಪ್ಪಿ ಮುದ್ದಿಸುವ ನನ್ನ ಬಯಕೆ ತಪ್ಪೇನು?

ನಿನ್ನೆ ನಾ ಕಂಡಿಲ್ಲ, ನಾಳೆಯ ನಾ ಬೇಡುವುದೇ ಇಲ್ಲ
ನಿನ್ನ ಪರಿವೆಯೊಳಗೆ ಕಾಲ ಚಕ್ರ ಸಾಪೇಕ್ಷವಾಗಿದೆಯಲ್ಲ !!