ಮಾತು ಮುತ್ತಾಗಲಿ ಮುತ್ತೆ ಮಾತಾಗಲಿ
ಹೊತ್ತು ಚಿತ್ತಾಗಲಿ ಚಿತ್ತ ಮತ್ತಾಗಲಿ
ವಿರಹ ವೀಣೆಯು ಅನುದಿನವು ಮಿಡಿದಿರಲು
ನಾದ ಬ್ರಹ್ಮವಾಗಲಿ ಬ್ರಹ್ಮ ತಾನಾಗಲಿ
ತಾಳ ಮೇಳಗಳಾಚೆ ಮಿಡಿವ ಮನವೊಂದಿರಲು
ತುಡಿವ ಕನಸುಗಳ ಮಡಿಲಲ್ಲಿ
ಕದಡಿದ ನೆನಪುಗಳ ಮಲ್ಲಿಗೆ ಮಾಲೆ
ಏನಾದರೇನಂತೆ ಮಾತಾಡಲೇನಂತೆ
ಸುಮದ ಕಂಪಿನಲಿ ಕಳುಹಿಸಿಯೇನು ಒಲವಿನೋಲೆ
ಒಲವು ಕಟ್ಟೀತೆ ಮನವ ತಟ್ಟೀತೆ ಮನಸ ಬಿಚ್ಚೀತೇ
ಹಗಲೇ ಗ್ರಹಣವಾಗಲಿ ಬಿಡಲಿ
ನಂದಾದೀಪ ಎಂದೆಂದೂ ಉರಿದೀತೆ
ಬ್ರಹ್ಮ ಬೆಳಕಾಗಿರಲು ಬೆಳಕು ನೀನಾಗಿರಲು
ಬೆಳಗುವುದು ಮನ ಮನೆಯು ಎಂದೆಂದೂ
ಪ್ರೇಮ ಚಿಪ್ಪಾಗಿರಲಿ
ಚಿಪ್ಪಿನೊಳು ಮೌನ ಶರಧಿಯಿರಲಿ
ಪ್ರತಿ ಹನಿಯಲ್ಲೂ ನಿನ್ನ ಹೊಳೆವ ಕಂಗಳಿರಲಿ !
ಹೊತ್ತು ಚಿತ್ತಾಗಲಿ ಚಿತ್ತ ಮತ್ತಾಗಲಿ
ವಿರಹ ವೀಣೆಯು ಅನುದಿನವು ಮಿಡಿದಿರಲು
ನಾದ ಬ್ರಹ್ಮವಾಗಲಿ ಬ್ರಹ್ಮ ತಾನಾಗಲಿ
ತಾಳ ಮೇಳಗಳಾಚೆ ಮಿಡಿವ ಮನವೊಂದಿರಲು
ತುಡಿವ ಕನಸುಗಳ ಮಡಿಲಲ್ಲಿ
ಕದಡಿದ ನೆನಪುಗಳ ಮಲ್ಲಿಗೆ ಮಾಲೆ
ಏನಾದರೇನಂತೆ ಮಾತಾಡಲೇನಂತೆ
ಸುಮದ ಕಂಪಿನಲಿ ಕಳುಹಿಸಿಯೇನು ಒಲವಿನೋಲೆ
ಒಲವು ಕಟ್ಟೀತೆ ಮನವ ತಟ್ಟೀತೆ ಮನಸ ಬಿಚ್ಚೀತೇ
ಹಗಲೇ ಗ್ರಹಣವಾಗಲಿ ಬಿಡಲಿ
ನಂದಾದೀಪ ಎಂದೆಂದೂ ಉರಿದೀತೆ
ಬ್ರಹ್ಮ ಬೆಳಕಾಗಿರಲು ಬೆಳಕು ನೀನಾಗಿರಲು
ಬೆಳಗುವುದು ಮನ ಮನೆಯು ಎಂದೆಂದೂ
ಪ್ರೇಮ ಚಿಪ್ಪಾಗಿರಲಿ
ಚಿಪ್ಪಿನೊಳು ಮೌನ ಶರಧಿಯಿರಲಿ
ಪ್ರತಿ ಹನಿಯಲ್ಲೂ ನಿನ್ನ ಹೊಳೆವ ಕಂಗಳಿರಲಿ !
No comments:
Post a Comment