ಹೆಣ್ಣಿನಂತರಂಗವ ದೇವನೇ ಬಲ್ಲ

ಎರಡು ದಿವಸಗಳಿಂದ ನೀ
ಬರಲಿಲ್ಲ; ಬೇಸರವಿಲ್ಲ
ಚಿಂತೆ ಇಷ್ಟೇ .. ನಿಜವಾಗಿ
ನೀ ಯಾಕೆ ಬರಲಿಲ್ಲ ?!

ಆ ಎರಡು ದಿವಸಗಳಲ್ಲಿ
ನಿನ್ನನ್ನೇ ನೆನೆಯುತ್ತಿದ್ದೆ
ಎಂದು ನೀ ತಿಳಿದರೆ
ಅದು ನಿನ್ನ ತಪ್ಪು ಗ್ರಹಿಕೆ
ಏಕೆಂದರೆ.....
ನಾನಿನ್ನೂ ಬದುಕಿದ್ದೇನಲ್ಲ !!

ನೀ ತನುವಲಿ ಮುತ್ತು ರತ್ನ ಹವಳ
ಗಳ ಧರಿಸಿ, ಶೃಂಗಾರ ನಾಯಕಿಯಾಗಿ
ಬರಬೇಕೆಂದು ನಾ ಹೇಳುವುದಿಲ್ಲ
ನಿನಗೆ ಮೊದಲೇ ಅರಿವಿದೆ...
ನಾ ಶ್ರೀಮಂತ-ನಲ್ಲ !!

ಉದ್ಯಾನವನದ ಸುಮಗಳೆಡೆಯಲಿ
ನೀ ಮಾತನಾಡುವುದೇ ಇಲ್ಲ !
ನಿನ್ನಧರ ನಾ ಸವರುತಿರುವಾಗ
ಅದಕೆ ಅವಕಾಶವಿರುವುದಿಲ್ಲ !!

ಮದುವೆಯೆಂದು ಪ್ರಶ್ನಿಸಿದರೆ
ನೀ ಉತ್ತರಿಸುವುದಿಲ್ಲ !
ನನ್ನ ಬಾಹುಗಳನ್ನೇ ನಿನ್ನ ಕೊರಳಿಗೆ
ಸುತ್ತಿಸಿ ತಾಳಿ ಮಾಡಿಕೊಂಡೆಯಲ್ಲ !!

ನೀ ಕೆಲವೊಮ್ಮೆ ಪಿಸುನುದಿಯುತ್ತಿ
"ನಾ ನಿಮ್ಮ ಪ್ರೀತಿಸಿಯೇ ಇಲ್ಲ"
ನನಗೆ ದಿಗಿಲೆನ್ನಿಸುವುದು..ನೀ ನಗುವೆ
ಹೆಣ್ಣಿನಂತರಂಗವ ದೇವನೇ ಬಲ್ಲ !!!!!
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
earaDu divasagalinda nii
baralilla; besaravilla
chinte ishTe .. nijavaagi
nii yaake baralilla ?!

aa eraDu divasagaLalli
ninnanne neneyuttedde
endu nii tilidare
adu ninna tappu grahike
ekendare.....
naaninnu badukiddenalla !!

nii tanuvali muttu ratna havaLa
gaLa dharisi, shringaara naayakiyaagi
barabekendu naa heluvudilla
ninage modale arivide...
naa shrimanta-nalla !!

udyaanavanada sumagaledeyali
nii maatanaaduvude illa !
ninnadhara naa savarutiruvaaga
adake avakaashaviruvudilla !!

maduveyendu prashnisidare
nii uttarisuvudilla !
nanna baahugaLanne ninna koraLige
suttisi taaLi maaDikonDeyalla !!

nii kelavomme pisunudiyutti
"naa nimma priitisiye illa"
nanage digilennisuvudu..nii naguve
henninantarangava devane balla !!!!!