ಒಂದು ಮುಂಜಾವು

ಸೌಮ್ಯ ರಜನಿಯಲಿ ಅನುಪಮ ಶಿಶಿರವಿದೆ
ಕ್ಷಿತಿ ತಬ್ಬಿಹನು ಕೌಮುದಿಯ

ಆಕಾಶ ಕಳಿಸಿದನು ಪ್ರೇಮ ಬಿಂದುವ
ಲತಾಂಗಿ ಲತೆ ಚುಂಬಿಸಿದಳು

ಸುಮ ತೊನೆದಿಹಳು ಮುರಳಿ ಗಾನಕೆ
ಆಕೆ ಸುಹಾಸಿನಿ !

ಮುಗಿಲಲ್ಲಿ ತುಟಿ ಇರಿಸಿಹಳು ಮಲ್ಲಿಗೆ
ಮಿಣುಕು ನಕ್ಷತ್ರ ಆಕೆಯ ಪತಿ !

ಐಕಿಲೊಳಗಿಂದ ಚಿಮ್ಮುವ ಕಮಿತ್ತು
ಅಮಿತಾನಂದ ಮಾನಸ !

ಉಷಳಿಲ್ಲವಿಲ್ಲಿ ಶೀತಲ ರಶ್ಮಿ ನಲಿದಿಹಳು
ಹರಿಣಿಯ ಇನಿದನಿ ದೂರದ ಬೆಟ್ಟದಿಂದ

ಸಸ್ಯ ಶ್ಯಾಮಲಳ ಅಧರದಿ ಜಿನುಗುತ್ತಿದೆ ಹನಿ
ಅದು ವಿರಹಿಯ ಕಂಬನಿ !

ಮಯೂರ ಇಲ್ಲಿಲ್ಲ ಗೆಜ್ಜೆ ಕಟ್ಟಿ ನರ್ತಿಸಲು
ಗಿರಿಬಾಲೆ ಹೊದೆದಿಹಳು ಕನಸಿನ ಹೊದಿಕೆ !

ಪಿಸು ದನಿ, ನಿಟ್ಟುಸಿರು ಬೆಚ್ಚನೆಯ ಹಿಡಿತದಲಿ
ಕಾವಿಲ್ಲ.... ಬರಿ ಪ್ರೀತಿ !

ದಿವ್ಯ ಜ್ಯೋತಿ ಪ್ರಭೆ ಸುಲೋಚನಳ ಸ್ಪರ್ಶಿಸುತಿಹುದು
ಸುಪ್ರಭಾತಕ್ಕೆ ನಾಂದಿ !!
~~~~~~~~~~~~~~~~~~~~~~~~~~~~~~~~~~~~~~~~~~~~~
saumya rajaniyali anupama shishiravide
kshiti tabbihanu kaumudiya

aakaasha kaLisidanu prema binduva
lataangi late chumbisidaLu

suma tonedihaLu murali gaanake
aake suhaasini !

mugilalli tuTi irisihaLu mallige
minuku nakshatra aakeya pati !

aikiloLaginda chimmuva kamittu
amitaananda maanasa !

ushaLillavilli shiitala rashmi nalidihaLu
hariniya inidani durada bettadinda

sasya shyaamalaLa adharadi jinuguttide hani
adu virahiya kambani !

mayura illilla gejje katti nartisalu
giribaale hodedihalu kanasina hodike !

pisu dani, nittusiru becchaneya hiditadali
kaavilla.... bari priiti !

divya jyoti prabhe sulochanaLa sparshisutihudu
suprabhaatakke naandi !!