Pages

Tuesday, February 3, 2009

ಮನವ ಮೆಟ್ಟಿ ನಿಂತವರಾರು

ಕಳ್ಳ ಮನದೊಳಗದೇನು ಪಿಸು ಪಿಸು
ಪ್ರೀತಿ ನುಸುಳಿದೆ ನಾ ಕಾಣೆ
ಎಲ್ಲ ಹೂಗಳು ಅರಳಿ ನಿಂತವು ಅವಳೊಳ
ಗದೇನು ಮರುಳಿದೆ ನಾ ಕಾಣೆ !

ಹೃದಯ ಮಲ್ಲಿಗೆ ನಿತ್ಯ ಚುಂಬನ
ಒಲುಮೆ ಅತ್ತರು ಸಿಂಚನ
ಮನದ ಬಣ್ಣವ ತಿಳಿಯಲೊಲ್ಲದು
ನೀಲಾಗಾಸದ ಪ್ರತಿಫಲನ

ಸ್ವಾರ್ಥವಾವುದು? ಪ್ರೀತಿ ಪಾತ್ರವಾವುದು?
ಒಂದು ಕನಸಿಗೆ ಮತ್ತೊಂದು ಪರಿತ್ಯರ್ಥವು
ಚೆಲ್ಲು ಪ್ರೀತಿಗೆ ಹಿರಿ ಮನಸ ಕೊಲ್ಲು
ಬದುಕಿನರಿವಿನ ಪ್ರೀತ್ಯರ್ಥವು

ತಿಳಿಯದುದನು ತಿಳಿವ ಕಾಲವಲ್ಲವಿದು
ಹೃದಯಕೆ ಕಡಿವಾಣ ಹಿಡಿದವರಾರು?
ಸರಿ ತಪ್ಪುಗಳ ಕಾಗುಣಿತ ತಿದ್ದುವುದಕೆ
ಮನವ ಮೆಟ್ಟಿ ನಿಂತವರಾರು?

No comments:

Post a Comment